Përmes një postimi në Facebook, ai tha se zyrtarë të lartë të MMPHI-së kanë pritur në takim përfaqësuesit e kësaj lagjeje teksa kanë dëgjuar shqetësimet e tyre dhe kanë diskutuar me ta.
‘’Zyrtarë të lartë nga Ministria e Mjedisit, Planifikimit Hapësinor dhe Infrastrukturës kanë pritur në takim përfaqësuesit e lagjes Kalabria, me ç’rast kanë dëgjuar shqetësimet e tyre dhe kanë diskutuar hollësisht për shqetësimet e tyre rreth Planit Rregullues të Hollësishëm si dhe vendimeve që janë marrë në të kaluarën’’, shkroi ndër tjerash.
Ndryshe, gjatë së martës, disa banorë të lagjes “Kalabria” në Prishtinë, mesditën e së martës kanë protestuar para Ministrisë së Mjedisit, Planifikimit Hapësinor dhe Infrastrukturës për kundërshtimin e planit zhvillimor komunal.
Përfaqësuesi i tyre, Basri Krasniqi thotë se janë duke pritur tash e një kohë që lagjja e tyre të zhvillohet.
Sipas tij, ata janë të pakënaqur me shfuqizimin e planit rregullativ për lagjen e tyre, teksa përmend edhe disa nga problemet që ata përballen.
“Kryetari i komunës po donë me shfuqizu planin që e ka miratuar qeverisja e kaluar e Shpend Ahmetit. 2.4 e kem koeficientin është në pyetje kolektori që duhet me u mbulu për shkak se s jetohet aty. Ndriçim nuk kem në lagje edhe kryetari i komunës po dëshiron me shfuqizu. Nëse ai i ka rregullu krejt punët e Prishtinës le ta shfuqizon edhe planin tonë. Kemi mbet të bllokuar që 15 vite. Le të mendojnë për familjet tona për fëmijët tanë”, ka thënë Krasniqi./teve1.info/
