Në pikën 4 të marrëveshjes së Ohrit, thuhet se palët pajtohen për të miratuar Deklaratën për Personat e Zhdukur, siç është negociuar në kuadër të dialogut të ndërmjetësuar nga BE-ja, si çështje urgjente.
Si urgjente, kjo çështje u diskutua edhe në takimin e 4 prillit në Bruksel.
Ndërmjetësuesi Josep Borrell, përmes llogarisë në twitter tha se Kosova dhe Serbia janë pajtuar për deklaratën rreth çështjes së të pagjeturve, dhe se Kurti e Vuçiq do ta miratojnë në takimin e ardhshëm.
Në deklaratën e pas-takimit kryenegociatori serb, Petar Petkoviq, tha se janë dakorduar që nga deklarata që do të nënshkruajnë liderët ta largojnë termin “të zhdukurit” me dhunë.
“Vetëm do të shtoja se kemi pasur kujdes të veçantë për të gjitha termet dhe se nuk e kemi pranuar termin e përmendur në konventën ndërkombëtare për zhdukjen e dhunshme, sepse jemi kujdesur që të mos rrezikojmë interesat e Serbisë”,ka thënë Petkoviq.
Këtë deklarim të Petkovic e kanë demantuar nga Komisioni Qeveritar për Persona të Zhdukur.
“Prandaj më nuk do të ketë vetëm persona të zhdukur, por persona të zhdukur me dhunë nga shteti serb. Gjithashtu, më duhet të theksoj si tepër të rëndësishme, që me anë të kësaj deklarate Serbia detyrohet të marrë përsipër hapjen e arkivave dhe prezentimin e dokumentave serkrete mbi vendndodhjen e personave të zhdukur me dhunë”, thuhet në qëndrimin e Komisionit Qeveritar për Personat e Zhdukur.
Bekim Blakaj nga Fondi për të Drejtën Humanitare thotë se termi i zhdukur me dhunë nënkupton që personat janë zhdukur nga mekanizmat shtetëror.
Çështja e personave të zhdukur me dhunën, është në nenin 6 të Planin Evropian për normalizimin e marrëdhënieve Kosovë – Serbi.
Kronika e gazetarit Valmir Gallopeni.