Kuvendi i Kosovës do të mblidhet nesër në seancë plenare prej orës 10:00.
Në mesin e 11 pikave do të jetë edhe shqyrtimi i Propozim-Rezolutës për punën dyvjeçare të Qeverisë së Kosovës.
Po ashtu në këtë seancë do të shqyrtohet në lexim të dyte Projektligji për Agjencinë e Kosovës për Akreditim, e po ashtu në lexim të dytë edhe ai për plotësim-ndryshimin e projektligjit për Energjinë.
Seanca me të gjitha pikat e rendit të ditës:
1. Miratimi i procesverbaleve të seancave të mëparshme,
2. Deklarimet jashtë rendit të ditës,
3. Pyetjet parlamentare,
4. Shqyrtimi i Propozim-Rezolutës për punën dyvjeçare të Qeverisë së Kosovës,
5. Shqyrtimi i dytë i Projektligjit nr.08/L-110 për Agjencinë e Kosovës për Akreditim,
6. Shqyrtimi i dytë i Projektligjit nr.08/L-155 për sanksionet e shёnjestruara kundër shkelësve të huaj të drejtave të njeriut,
7. Shqyrtimi i dytë i Projektligjit nr.08/L-201 për ndryshimin dhe plotësimin e Ligjit nr.05/L-081 për energjinë,
8. Shqyrtimi i parë i Projektligjit nr.08/L-160 për pensionet e zyrtarëve policor të Policisë së Kosovës dhe punonjësit e Inspektoratit Policor të Kosovës me autorizime policore,
9. Shqyrtimi i parë i Projektligjit nr.08/L-220 për çmimin e produkteve medicinale,
10. Shqyrtimi i rekomandimit lidhur me auditimin e procesit të shitjeve me negocim direkt në Agjencinë Kosovare të Privatizimit,
11. Shqyrtimi i propozimit për ndryshimin dhe plotësimin e Vendimit të seancës plenare, nr.08-V-321, i datës 23 qershor 2022.
Nesër do të mblidhen edhe tri komisione: Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit; Komisioni për të Drejtat dhe Interesat e Komuniteteve dhe Kthim, si dhe Komisioni për Punë të Jashtme dhe Diasporë
