Shefi i Politikës së Jashtme dhe asaj të Sigurisë në BE, Josep Borrell ka thënë se pret që Kosova dhe Serbia të respektojnë të gjitha detyrimet që dalin prej marrëveshjes së tyre dhe ta fillojnë zbatimin e saj sa më shpejt.
Po ashtu, ai ka bërë thirrje që palët të përmbahen nga përshkallëzimet.
“Palët duhet të shmangin çdo përshkallëzim. Përkthimi i angazhimeve të tyre në rrugët e tyre evropiane është duke vazhduar”, ka shkruar Borrell.
Duke folur për takimin e djeshëm, ai tha se është arritur marrëveshje për tekstin e deklaratës për personat e zhdukur që do të miratohet në takimin e ardhshëm të nivelit të lartë.
“Marrëveshja që ata arritën për tekstin e deklaratës për personat e zhdukur gjatë takimit të djeshëm të kryenegociatorëve është hapi i pare”.
“Ne do ta miratojmë atë në nivel liderësh në takimin e ardhshëm të nivelit të lartë të cilin unë do ta mbledh”, ka shkruar Borrell në Twitter.
Serbia & Kosovo made a commitment on the Agreement on the path to normalisation&its annex. The EU expects both to honour all obligations from it &start implementing asap
The parties must avoid any escalations. Translation of their commitments into their European paths is ongoing
— Josep Borrell Fontelles (@JosepBorrellF) April 5, 2023
