Vuajtjet janë kthyer normale për Liverpoolin gjatë këtij edicioni në Premier League. Skuadra e Jurgen Klopp barazoi 0-0 në “Stamford Bridge” përballë Chelsea, sfidë ku VAR-i u hoqi dy gola vendasve.
“U përballen dy skuadra me mungesë besimi, por që luftuan fort në fushën e blertë. Pika për ne është e mirë, mund ta cilësoj pozitive, sepse pashë disa gjëra të mira.
Vuajtëm në fillim, por më pas u përmirësuam”, deklaroi Klopp. Liverpool renditet në vendin e tetë me 43 pikë, 7 larg zonës Champions League. Diferencë që mund të rritet nëse United dhe Newcastle fitojnë takimet e tyre.
Trajneri gjerman i The Reds, vijon edhe më tej: “Nuk ishte një ndeshje spektakolare, por ne hodhëm një hap të vogël përpara. Këtë kërkoj nga skuadra: të hedhim hapa të vegjël përpara.
Nuk prisja që një ekip me gjashtë ndryshime të luante ndeshjen më të mirë të sezonit. Ne nuk dorëzohemi, do të luftojmë deri në fund”, u shpreh tekniku i Liverpoolit.
