Fundi i ndeshjes Juventus-Inter (1-1), solli tension, përplasje dhe grushte. Një sherr nisi mes lojtarëve në fundin e gjysmëfinales së parë të Kupës së Italisë.
Romelu Lukaku barazoi takimi me penallti dhe Festa e belgut nuk u prit aspak mirë nga bardhezinjtë.
Juan Cuadrado, autori i golit për skuadrën e Max Allegrit, reagoi ndaj Lukakut dhe portierit Samir Handanovic. Të tre lojtarët u ndëshkuan me kartonë të kuq.
Kolumbiani goditi me grusht portierin e Interit. Veprimi i lojtarit të Juventusit është kthyer viral në rrjetet sociale.
Cuadrado pritet të marrë një dënim të madh për veprimin e kryer. Tensioni në sfidat mes këtyre dy skuadrave nuk mbaron kurrë. Takimi i kthimit do të luhet në “San Siro” me 26 prill.
