Gjatë fjalës hyrëse në seancën që po mbahet në Hagë, Venkateswari Alagendra, avokatja e Jakup Krasniqit, deklaroi se ai nuk ka pasur përgjegjësi të cilat kërkon t’ia ngarkojë ZPS-ja.
Sipas saj, aktakuza pretendon se Krasniqi ka marr pjesë në krime në tri raste, e që siç thotë ajo, në të trija raste provat do tregojnë se ZPS-ja ka gabuar, përcjell teve1.info
“Provat e Prokurorisë do të tregojnë rolin e vërtetë të Krasniqit. Ai nuk ishte kompetenca apo përgjegjësi që kërkon t’i ngarkojë ZPS-ja. As aktivitetet e tij publike si zëdhënës nuk mund të lidhen me asnjë krim që pretendohet prej Prokurorisë…në fund, gjatë gjithë periudhës 18 mujore të aktakuzës dhe më shumë se 40 vende, aktakuza në fakt vetëm pretendon se Krasniqi personalisht ka marrë pjesë në krime në tri raste. Në të trija rastet, gjithçka që duhet të themi tani, është se provat do të tregojnë që ZPS-ja ka gabuar”, deklaroi ajo.
Alagendra potencoi se Krasniqi buk ka qenë përgjegjës personalisht për të gjitha komunikatat e lëshuara, e që sipas saj, mbi të cilat Prokuroria “vendos kaq shumë peshë”.
“Pozicionimi i Prokurorisë është se komunikata e parë është nxjerrë në ‘94 dhe kjo është kohë më përpara se Krasniqi të bëhej zëdhënës. Ato vazhduan gjatë gjithë luftës dhe është e qartë se nuk kanë dalë nga një burim i vetëm. Dy ditë më parë, Prokuroria parashtroi vazhdimisht, se gjatë kërkimit në shtëpinë e Krasniqit, janë gjetur dokumente të caktuara. Nëse këto dokumente janë gjetur në këtë mënyrë, dhe keqpërdorimi i kërkimit është tashmë para jush, kjo nuk vërteton automatikisht përtej lëshimit të arsyeshëm se Krasniqi është autor i këtyre dokumenteve ose se ai zotëronte këto dokumente në kohën materiale. Thjesht gjetja e këtyre dokumenteve në shtëpinë e tij, nuk i bën ato autentike”, shtoi ajo. /Teve1.info/
