Avokati mbrojtës i ish-kryparlamentarit të Kosovës, Kadri Veseli, Ben Emmerson, ka thënë se ai dhe UÇK-ja nuk i kanë shënjestruar mbështetësit e Lidhjes Demokratike të Kosovës.
Emmerson ka thënë se një prej të metave në thelbin e provave që ka prokuroria është nocioni që e mendon një numër relativisht i vogël i individëve, që udhëheqja e UÇK-së kanë komplotuar së bashku për të vënë në shënjestër mbështetësit e LDK-së për t’i përndjekur.
Ai ka thënë se ky mendim është krejt ndryshe nga ajo që ka ndodhur në terren.
Sipas Emmerson, shumica e anëtarëve të UÇK-së ishin mbështetës të LDK-së.
“Nuk ishin dy grupe më vete, ishin të ndërthurura. Konflikte ka pasur, dallime në mendime ka pasur, si në çdo rast kur bashkohen dy forca politike”, tha Emmerson. /teve1.info/
