Avokati i ish-presidentit të Kosovës, Hashim Thaçit, Gregory Kehoe, ka thënë se për shkak të ofensivave serbe në Kosovë gjatë vitit 1999 shumica e anëtarëve të Shtabit të Përgjithshëm kishin ikur nga Kosova .
Kehoe ka thënë se ofensiva serbe e dyta, gjatë vitit 1999 pengoi çdo mundësi që Ushtria Çlirimtare e Kosovës të vepronte apo funksiononte si një njësi e bashkuar.
“Nuk kishte strukturë komande të UÇK-së dhe me siguri nuk kishte strukturë efikase”, ka thënë avokati mbrojtës.
Ish-presidenti i Kosovës, Hashim Thaçi, ish-kryeparlamentarët Kadri Veseli e Jakup Krasniqi, dhe ish-deputeti, Rexhep Selimi akuzohen se kanë themeluar Shtabin e Përgjithshëm , dhe se ky shtab ka shënjestrua “kundërshtarët” e perceptuar të UÇK-së. /teve1.info/
