Në seancën e sotme që po mbahet ndaj ish-krerëve të Ushtrisë Çlirimtare të Kosovës, në Dhomat e Specializuara të Kosovës me seli në Hagë, mbrojtja e ish-presidentit të Kosovës, Hashim Thaçi, avokati, Gregory Kehoe, ka nisur deklaratën hyrëse, e cila pritet të zgjas tri orë, raporton teve1.info
Avokati, Kehoe në nisje të gjykimit lidhi dokumente e komunikata për të dëshmuar se “kolaboracionistët ishin kërcënim ekzistencialë”.
Ai ka thënë se “përfaqësuesit e ZPS-së folën si kolaboracionistët shiheshin si rrezik ekzistencialë”.
Sipas tij, i vetmi rrezik ishte ushtria serbe bashkë me forcat paralimitare serbe.
Për akuzën, ku Thaçi akuzohet se ka drejtuar një “ndërmarrje të përbashkët kriminale”, ai paraqiti një shembull se si komandantët lokalët kishin ndryshuar komandantin e përgjithshëm të UÇK-së, në kohen kur ish-presidenti ishte në Rambuje të Francës, që kishte shkuar për t’i dhënë fund luftës në Kosovë.
Ai ka thënë se pa mendimin e Thaçit dhe Azem Sylës, derisa të dytë nuk kishin qenë në Kosovë, komandantët lokalë e kanë ndryshuar komandantin e përgjithshëm.
“Komandantët lokalë e ndryshuan komandantin e përgjithshëm, pa marrë mendim nga Thaçi e Azem Syla, që gjendeshin në Rambuje. Pushteti ishte në dorën e nivelit lokalë”, tha avokati.
“Z.Thaçi ishte përzgjedhur udhëheqës i delegacionit të Kosovës në Rambuje. Nuk kishte kontroll atëherë mbi UÇK-në. Hashim Thaçi nuk mund ta nënshkruante marrëveshjen e Rambujesë pa pëlqimin e komandantëve të zonave. Ata kishin aq pushtet sa shkarkuan komandantin Azem Syla, edhe Azem Syla ndodhej në Rambuje. Pa i marrë mendim Thaçit apo Azem Sylës, apo askujt tjetër, Azem Syla u shkarkua si komandant dhe u zëvendësua nga Sylejman Selimi. Kjo na çon kah struktura komanduese që paska pushtet efektiv, komandues dhe kontrollues në të gjitha qendrat e ndalimit që përshkroi ZPS-ja dje”, tha Keohe.
“Ky fakt mjafton se nuk ka pasur strukturë komanduese apo kontrolluese nga Hashim Thaçi. Ai nuk kishte kontroll efektiv mbi UÇK-në, dhe as pushtetin përfundimtar mbi UÇK-në. Rambujeja dëshmoi se Thaçi nuk mund të ndalonte apo kontrollonte krimet që kryheshin nëpër zona. Pushteti real iu takonte komandantëve të zonave. Dëgjuam katër orë dhe asnjëherë nuk u përmend fakti që komandanti u shkarkua nga komandantët e zonave përderisa ai ndodhej në Rambuje”. /teve1.info/
