Në Dhomat e Specializuara të Kosovës me seli në Hagë, sot fillon procesi gjyqësor kundër ish-presidentit të Kosovës, Hashim Thaçi, ish-kryeparlamentarët Kadri Veseli, Jakup Krasniqi, dhe ish-deputetit Rexhep Selimi, të cilët akuzohen për krime lufte dhe krime kundër njerëzimit.
Gjatë ditës kur mbahet gjykimi, nga shqiptarët që jetojnë në diasporë është thirrur një protestë, me thirrjen për të kundërshtuar Gjykatën Speciale, raporton teve1.info.
Visar Shaqiri, i cili është bashkorganizator i protestës për Tëvë1 kishte thënë se numri i shqiptarëve të interesuar për të marrë pjesë është shumë i madh, si dhe ka bërë të ditur se pjesëmarrës do të ketë nga të gjitha vendet e botës ku ka shqiptarë.
Gjatë orëve të fundit, veçse kanë filluar përgatitjet për shkuarjen e shqiptarëve në Hagë.
Protesta është thirr që të mbahet nga ora 10:00 deri në orën 13:00.
Në përkrahje të ish-krerëve të UÇK-së, marshim ka pasur dje në kryeqytetin e Kosovës, në të cilin janë mbledhur dhjetëra mijëra shqiptarë. “Marshi për Drejtësi”, është mbajtur në sheshet e Prishtinës, ku pjesëtarë ishin fytyra dhe personalitete të rëndësishme të vendit. /teve1.info/
