I pari i AAK-së, Ramush Haradinaj, në Ditën Botërore të Ndërgjegjësimit për Autizmin, ka thënë që shoqëria të reflektojë për përmirësimin e jetës së atyre që jetojnë me autizëm.
Haradinaj ka thënë se kjo ditë të shërbejë për rritjen e vetëdijes për sfidat me të cilat përballen ata dhe familja e tyre.
“Le të na shërbejë kjo ditë për të njohur e nderuar talentet dhe aftësitë unike të personave me autizëm, si anëtarë të çmuar të shoqërisë”, ka shkruar kryetari i partisë.
Sipas tij, shoqëria zhvillohet dhe forcohet më shumë duke shfaqur mirësi dhe solidaritet për njëri-tjetrin. /teve1.info/
