Policia e Kosovës e ka konfirmuar djegien e tri veturave me targa të Republikës së Kosovës në veri të vendit, raporton teve1.info
Sipas njoftimit të Policisë, dy vetura janë djegur në Mitrovicë të Veriut dhe një tjetër në Zveçan.
“Me 31 mars 2023 pas mesnatës, në veri të vendit është raportuar se nga persona të panjohur janë djegur edhe tri vetura që iu përkasin viktimave të nacionalitetit serb, të cilat kanë qenë të parkuara njëra në rrugën “Kral Milutin”- Zveçan, tjetra në rrugën “Ivo Lola Ribar”- Mitrovicë Veri, si dhe e treta në rrugën “Vlade Çetkoviq”- Mitrovicë Veri”, thuhet në komunikatën e Policisë.
Dy vetura tjera ishin djegur një ditë më parë po ashtu në veri.
“Pas dy veturave të djegura me datën 30.03.2023 në veri të vendit, pas mesnatës së datës 31.03.2023, iu është vënë zjarri edhe tri veturave të tjera, të cilat iu përkasin viktimave të nacionalitetit serb, e të cilat ishin regjistruar me targa të Republikës së Kosovës (RKS).
Sikurse edhe në rastin e parë, edhe në rastin e dytë, pas pranimit të informacioneve, njësitet policore menjëherë kanë dalë në vendin e ngjarjes duke angazhuar njësitë kompetente policore, përfshirë forenzikën, të cilat kanë ndërmarrë të gjitha veprimet e nevojshme hetimore”, thuhet ën komunikatën e Policisë.
Lidhur me rastin, është njoftuar prokurori kompetent, me udhëzim të të cilit janë iniciuar rastet ‘zjarrvënie’ për procedura të mëtejme hetimore.
Teve1.info kishte raportuar më parë lidhur me këtë rast.
https://teve1.info/lajmet/333-digjen-tri-vetura-ne-veri-te-vendit/
