Manchester City pret në Etihad Stadium ekipin e Liverpool, në kryendeshjen e javës së 29 në Premier Ligën angleze.
Megjithatë, cityzens kanë marrë një lajm jo të mirë dy ditë para ndeshjes, pasi sulmuesi kryesor Erling Braut Haaland mund të mungojë, përshkak të dëmtimit.
Makina e golit morri një lëndim të lehtë në grumbullim me Norvegjinë dhe la grupin për t’u kthyer tek City, mirëpo siç raportojnë mediat angleze ai mund të jetë jashtë për disa javë.
Në rast se ndodh kjo, do të ishte një humbje e madhe për Manchester Cityn, të cilët janë në garë me Arsenalin për titullin kampion.
