Udhëheqësit e Polonisë, Republikës Çeke dhe Sllovenisë kanë udhëtuar të martën për në Kiev, kryeqyteti i Ukrainës, i cili aktualisht është nën zjarr, në një mision të Bashkimit Evropian për të treguar mbështetje për Ukrainën ndërsa pushtimi i Rusisë intensifikohet.
Kryeministri çek Petr Fiala tha në një postim në Twitter: “Qëllimi i vizitës është të shprehë mbështetjen e qartë të Bashkimit Evropian për Ukrainën dhe lirinë dhe pavarësinë e saj”, shkruan Associated Press, pwrcjellw teve1.info.
Atij do t’i bashkohen kryeministri slloven Janez Janša, kryeministri polak Mateusz Morawiecki dhe Jaroslaw Kaczynski, zëvendëskryeministër për sigurinë i Polonisë , por edhe kreu i partisë konservatore në pushtet.
Ofensiva e Rusisë në Ukrainë u afrua më pranë Kievit qendror të martën, me një seri sulmesh që goditën një lagje banimi në kryeqytet ndërsa të dy vendet planifikonin një ditë të dytë bisedimesh.
