Kryeparlamentari Glauk Konjufca ka zhvilluar një takim me kryetarin e Partneritetit për Demokraci në Dhomën e Përfaqësuesve të ShBA-së, Vern Buchanan.
Konjufca ka shkruar se në këtë takim kanë vlerësuar marrëdhëniet e shkëlqyera dypalëshe dhe partneritetin e palëkundur mes vendeve.
“Ndamë pikëpamje të njëjta se, sikur deri më tani, mbështetja e Shteteve të Bashkuara është qenësore për proceset e rëndësishme nëpër të cilat po kalon Republika e Kosovës”.
Po ashtu ka bërë të ditur se është diskutuar për avancimin e bashkëpunimit ndërmjet të dyja vendeve.
“Gjithnjë në miqësi të përhershme, partneritet dhe në bashkërendim e koordinim të plotë me Shtetet e Bashkuara të Amerikës”, ka shkruar Konjufca.
