Mazreku tha se marrëveshja për stikera (ngjitësit) e veturave fillon të zbatohet të martën (15 mars 2022).
“Impementimi i saj fillon të martën nga ora 13:00 kemi ftu edhe mediat në këtë rast. Vlen të theksohet se në këtë projekt na ka përkrah Banka Qnëdrore dhe zëvendësministri Hysen Durmishi si dhe Agjencioni i Regjistrimit Civil. Përmes stikerave, ne si Byro ia lehtësojmë Policisë së Kosovë dallimin në trafik të veturave që janë pa regjistrim dhe pa sigurim. Deri tani policia e ka pasë të pamundur t’i dalloj veturat e paregjistruara sa kanë qenë në lëvizje. Stikeri e ka një dizajn i cili ka me qenë i ndryshueshëm çdo vit, ngjyra ka me qenë e dallueshme, ka me pasë edhe të dhëna për veturën”, deklaroi Mazreku në Tëvë1.
Ai më tej ka sqaroi se barra e financimit të këtyre stikerave do të mbulohet nga kompanitë që janë anëtare të Byros Kosovare të Regjistrimit, që nënkupton se se qytetarët nuk do të paguajnë asnjë euro për këta stikera.
“Ajo çfarë duhet të bëjnë qytetarët është që në përfundim të procedurave të regjistrimit të veturave e marrin edhe nga një stiker të cilin obligohen ta vendosin në pjesën e majt të xhamit përpara”, shtoi Mazreku.
Ai në emisionin “Info nata” në Tëvë1 tha se në të dhënat zyrtare janë 210 mijë vetura të paregjistruara, por janë numra të akumuluar pasi listat nuk është pastruar.
“Nëse bazohemi në dy vitet e fundit, nuk kemi më shumë se 80 mijë vetura në qarkullim që janë të paregjistruara. Por që prapë është numër i madh. Megjithatë, me vendosjen e stikerëve dhe me veprimet e policisë, do të ulet ky numër”, tha Mazreku. /Teve1.info/
