Nënkryetari i Kuvendit të Kosovës nga radhët e PDK-së, Enver Hoxhaj, e ka akuzuar kryeministrin Albin Kurti se ka bërë marrëveshje të dëmshme për Kosovën.
Këto deklarime Hoxhaj i bëri në seancën e Kuvendit të Kosovës ku po diskutohet për marrëveshjen e fundit me Serbinë.
“Për 10 orë është diskutuar për një aneks tjetër. Për 30 minuta është pranuar aneksi që e keni. Me këtë aneksin që e keni ju tash kemi me ec 10 vitet e ardhshme. Marrëveshje kurrfarë themeli juridik ndërkombëtarë. Vetëm e prish përfundimisht themelimin e shtetit të Kosovës”, ka thënë Hoxhaj.
Ai e ka kritikuar kryeministrin Albin Kurti se ka sjell marrëveshje të dëmshme për Kosovën.
“Historikisht Kurti ka bërë përpjekje të luaj politika të mëdha sa ka qenë në opozitë, por marrëveshja në Ohër ndërkombëtarisht është humbja më e madhe që ka Kosova prej Rambujesë e deri në ditët e sotme. Nëse nuk i besoni kësaj sot, do t`i besoni vitin e ardhshëm”, ka thënë Hoxhaj.
Sipas tij, ishte gabim që ministrja e jashtme, Donika Gërvall nuk ishte në Ohër.
“Ku është ministrja e jashtme, e cila do të duhej të ishte së bashku me kryeministrin në Ohër. Pse po heshti ju si qeveri dhe nuk po dilni në mbroje të kësaj marrëveshje”, ka pyetur Hoxhaj.
