Hapësira publike e Ferizajt është paraparë që të mbikëqyret 24 orë nga kamerat.
Por nga 134 kamerat ekzistuese, vetëm 23 prej tyre janë funksionale.
130 mijë euro janë destinuar për riparimin e tyre dhe blerjen e kamerave tjera, për t’u ardhur në ndihmë edhe organeve të rendit për evidentimin e rasteve që cenojnë sigurinë publike.
Për mirëmbajtje të kamerave të sigurisë në kryeqytet u ndanë 35 mijë euro.
Për qëllimin e njëjtë, një shumë tjetër e destinoi komuna e Suharekës.
11 mijë euro kjo komunë i ndau për kujdesin ndaj kamerave.
Sistemi i instalimit të kamerave të sigurisë në 26 pozicione të ndryshme, komunës së Istogut i kushtoi afro 9 mijë euro.
Rreth dy mijë euro më pak, harxhoi komuna e Hanit të Elezit për furnizim dhe montim të kamerave të sigurisë.
Për funksionalizimin e mbikëqyrjes së hapësirave publike në komunën e Kamenicës, u shpenzuan afro 3 mijë euro.
Kronika e gazetares Florijeta Dernjani.
