Tash e sa vite, procesi i dialogut asocion me Asociacionin e komunave me shumicë serbe në Kosovë.
Si pika më problematike në këtë proces, Asociacioni vazhdon të ngjallë reagime edhe tani, kur pas planit të BE-së për normalizim, është hartuar edhe aneksi i zbatimit të marrëveshjes.
Por, Ehat Miftaraj nga Instituti i Kosovës për Drejtësi, thotë se termi vet-menaxhim për këtë çështje, garanton kompetenca më shumë për komunat e më pak për asociacionin.
“Në të vërtetë është një vazhdimësi e marrëveshjes 2013, 2015 por ndoshta me një dallim që neni 7 dhe neni 10 që e plotësojnë njëra-tjetrën, përderisa neni 7 përcakton do të thotë ose përdoret një terminologji e re që ndërlidhet me vet-menaxhimin e komunave me shumicë serbe, që mund të konsiderohet ose mund të shihet si ndoshta rritje të kompetencave të komunave me shumicë serbe, kryesisht në tre fusha, kryesisht ajo çka është biseduar kryesisht nga partnerët ndërkombëtarë, ku hyn arsimimi, shëndetësia dhe zhvillimi ekonomik. Por, që pastaj dhënia e më shumë kompetencave komunave me shumicë serbe do të nënkupton kufizim apo zvogëlim të kompetencave të asociacionit. Që do të thotë, asociacioni do të formohet por, ky asociacion mund të ketë kryesisht kompetenca që kanë karakter këshillues”,deklaroi Miftaraj.
Njohësi i çështjeve politike, Ben Andoni, është i mendimit, se në të ardhmen asociacioni do të sjell probleme për nivelin qendror në Kosovë.
“Për mendimin tim do të jetë shumë problematik, jo thjeshtë pjesa e autoritetit të shtuar të komunitetit serb, që njëfarë mënyre merr një lloj autoriteti shumë më tepër edhe nga komunitetet e tjera dhe tashmë përqindja e komunitetit serb në Kosovë nuk është më aq mbreslënse si dikur dhe nga ana tjetër shumë problematik shikoj nga ana ime pjesën e planifikimit urban. Që gjithmonë në kuadër të asociacionit komunat serbe të tjera përveç katër komunave të tjera që janë në veri, do t’i nxjerrin gjithmonë probleme pushtetit qendror në Kosovë, për shkak të mos-dakordimeve të ndryshme”,u shpreh Andoni.
Përfaqësuesi i Lartë i Bashkimit Evropian për Politikë të Jashtme dhe Siguri, Josep Borrell, ka deklaruar që Kosova urgjent duhet të filloi punën për krijimin e asociacionit.
Kronika e gazetarit Valmir Gallopeni.
