Gjykata Themelore në Prishtinë ka marrë vendim që t’i cakohet masa e paraburgimit prej një muaji të dyshuarit A.M., i cili dyshohej se kishte marrë pjesë në “Vrasjen e rëndë” të së shtunës në lagjen “Arbëria” në Prishtinë.
Teksa, të dyshuarit tjetër M.M. kjo masë i është refuzuar, përcjell teve1.info
“Gjyqtari i procedurës paraprake kërkesën e Prokurorisë Themelore në Prishtinë për caktimin e masës së paraburgimit për të pandehurin M.M e ka refuzuar ndërsa për të pandehurin A.M kërkesën e prokurorisë e ka aprovuar dhe të njëjtit i ka caktuar masën e paraburgimit në kohëzgjatje prej 1 (një) muaji. Gjyqtari i Procedurës Paraprake, pas dëgjimit të prokurorit të shtetit, të pandehurve dhe mbrojtësve të tyre, për caktimin e masës së paraburgimit, vlerësoj se kërkesa e prokurorit të shtetit sa i përket të pandehurit A.M është e bazuar sepse janë përmbushur kushtet e parapara me nenin 184, paragrafi 1, nënparagrafi 1.1 dhe 1.2, pikat 1.2.1, 1.2.2 dhe 1.2.3 të Kodit të Procedurës Penale, ndërsa sa i përket të pandehurit M.M, në mungesë të dyshimit të bazuar për kryerjen e veprës penale, kërkesa e prokurorit të shtetit për caktimin e masës së paraburgimit ndaj të njëjtit është refuzuar, si e pa bazuar”, bëhet e ditur në njoftim.
Një person ka mbetur i vdekur pas të shtënave me armë zjarri që kanë ndodhur mesditën e 18 marsit në një hotel në lagjen “Arbëria” të Prishtinës.
Në këtë rast, dy persona të tjerë kanë mbetur të lënduar. /Teve1.info/