Ministria thotë se ka vepruar në përputhje me ligjin duke caktuar çmimore të veçantë për fëmijët, studentët, invalidët e luftës të punës dhe pensionistët, që këto kategori të jenë më të mbrojtura në raport me çmimet në rritje në transportin ndërurban të udhëtarëve me autobus.
“Njoftohen të gjithë operatorët se MMPHI-ja, përmes mekanizmave dhe instrumenteve ligjore do të bëjë mbikëqyrjen e zbatimit të vendimit në fjalë nga të gjithë operatorët e transportit të udhëtarëve, rrjedhimisht në mbështetje të dispozitave ligjore të ligjit N/L-179 për transportin rrugor. Organet e kontrollit do të ndërmarrin të gjitha veprimet e domosdoshme me qëllim të zbatimit të këtij vendimi”, thuhet në njoftim, përcjell teve1.info
Shoqata e Transportit Rrugor të Udhëtimit ka kundërshtuar vendimin e ministrisë për caktimin e çmimeve, ata kanë paralajmëruar protesta nëse ministria nuk tërhiqet nga ky vendim.
