Ish-gjyqtarja në Gjykatën Kushtetuese, Gjylieta Mushkolaj, ka folur për vetëmenaxhimi e serbëve që përfshihet në propozimin evropian për të cilin janë dakorduar kryeministri i Kosovës, Albin Kurti dhe presidenti i Serbisë, Aleksandar Vuçiq.
Mushkolaj ka thënë se në rastin e Kosovës vetëmenaxhimi është pak më i ndërlikuar, pasi thotë se komunat me shumicë serbe kanë disa kompetenca më të mëdha sesa komunat tjera.
“Në rastin e Kosovës kjo është pak më e ndërlikuar, sepse Kosova nuk ka rregullim komunal simetrik. Disa komuna, sidomos në komunat ku jeton një shumicë e komunitetit serb kanë disa kompetenca që janë më të mëdha sesa kompetencat e komunave të tjera. Vetëmenaxhimi do të nënkuptonte aspektin e arsimit, shëndetit, kulturës e të tjera. Të gjitha këto komuna kanë kompetenca më të mëdha për sa i përket çështjeve të kulturës dhe këtu është fjala për të gjitha komunat serbe. Të tilla ne i kemi 10 komuna. Më shumë komuna kemi në pjesën e brendshme të Kosovës sesa në veri të Kosovës, ku kompetencat në kuadër të kulturës janë më të mëdha sesa të komunave të tjera”, ka thënë ajo në emisionin “ResPublika” në Tëvë1.
Sa i përket kompetencës në fushën e arsimit, ish-gjyqtarja ka përmendur çështjen e universitet në Mitrovicën Veriore, i cili thotë se nuk ju shërben komunave, por komunitetit.
“Çështja e dytë që duhet të përmendet është çështja e universitetit, ekziston universitetit në Mitrovicën Veriore dhe i cili universitet nuk ju shërben komunave si etnitete, por ju shërben komunitetit serb që jeton këtu në Kosovë, dhe kjo nënkupton vetëmenaxhimin”, deklaroi ajo.
Ndërkohë, në fushën e shëndetësisë, Mushkolaj ka thënë se janë dy komuna serbe të cilat janë në shërbim shëndetësor të cilat nuk i shërbejnë komunave, por komunitetit.
“Në kuptim të shëndetësisë, ne gjithashtu kemi shërbime shëndetësore që i kanë dy komuna serbe edhe Mitrovica Veriore edhe Graçanica kanë kompetenca më të mëdha sesa që kanë komunat tjera në fushën shëndetësisë dhe nuk ju shërbejnë komunave dhe çfarëdo lloj funksioni që kanë ato i shërbejnë komunitetit pra nuk kemi tash ne të bëjmë me aranzhmane të tilla, të cilat ishin parashikuar në vitin 2013 dhe komplet edhe konceptin i marrëveshjes së 2013-tës tashmë ndryshon me këtë Marrëveshje që e kemi”, tha Mushkolaj.
Madje, Mushkolaj thotë se me dakordimin mes Kurtit e Vuçiqit nuk ka Zajednicë.
“Ajo parulla ‘Nuk ka Zajdenicë’, vërtetë është realizuar. Me këtë Marrëveshje pra nuk ka Zajednicë ashtu siç është kuptuar atëherë”, tha ajo.
Sa i përket çështjes së lirisë së asociimit, ajo thotë se garantohet me Kushtetutën e Kosovës.
“E sa për liri të asociimit në përgjithësi, liria e asociimit garantohet me Kushtetutën e Kosovës, por garantohet gjithashtu me secilin instrument për të drejtat e njeriut”, shtoi Mushkolaj.
