Ambasadori i Serbisë në ShBA, Marko Gjuriq, ka thënë se dakordimi për aneksin e marrëveshjes Kosovë-Serbi në Ohër i siguron interesat jetike të Serbisë në një moment të vështirë historik.
Madje sipas tij ky dakordim i krijon kushtet për fitore të ardhshme në çështjen e Kosovës.
“Krahas vazhdimit të punës së zellshme për zhvillimin dhe forcimin e Serbisë, ai krijon kushtet për suksese dhe fitore të ardhshme, si në çështjen e Kosovës e Metohisë ashtu edhe në atë të prioriteteve të tjera kombëtare serbe”, ka shkruar Gjuriq në Twitter.
“I shpreh mirënjohjen time Presidentit të Republikës, Aleksandër Vuçiq dhe anëtarëve të ekipit negociator për qëndrimin e tyre kalorsiak dhe vetëmohues”, ka shkruar Gjuriq.
