Kryeministri i Kosovës, Albin Kurti ka folur për dy pauzat që kishin në takimin me presidentin serb, Aleksandër Vuçiq dhe ndërmjetësuesit e BE-së, Borrell e Lajçak në Ohër.
Takimi që nisi pas orës 15:00 të shtunën e që përfundoi pas orës 21:00 kishte dy pauza.
E Kurti në deklarimin për media i vlerësoi si normale, madje ai tha se është ma mirë që ka pasur pauza.
Kryeministri tha se këto pauza bëhen për tu konsultuar me ekspertët e ekipeve e deri te përgatitja e dokumenteve.
“Në njërën anë ka takime bilaterale dhe jo të gjitha trelaterale dhe në anën tjetër ka nevojë që ekipet të konsultohen me ekspertët juridik dhe të rregullohen tekstet,të printohen ato para se të ri-negociohen deri në dakordim. Është një procedurë e zakonshme në procesin negociator, tha Kurti, raporton teve1.info.
