Pas takimit me presidentin serb, Vuçiq më 18 gusht të vitit të kaluar, kryeministri Albin Kurti shpalosi gjashtë pikat e tij, për të qenë pjesë e marrëveshjes finale.
Njëra ndër to ishte ofrimi i trajtimit të të drejtave të pakicave respektive, si për serbët në Kosovë ashtu edhe për shqiptarët në Serbi.
Por në takimin e fundit më 27 shkurt, palët e pranuan në parim planin evropian ku nuk specifikohet përfshirja e shqiptarëve në këtë proces.
E një ditë para takimit mes Kurtit dhe Vuçiqit në Ohër, dy kongresistë amerikan i dërguan letër sekretarit të shtetit, Antony Blinken ku kërkuan që të drejtat e shqiptarëve në jugun e Serbisë, të trajtohen në mënyrë reciproke me ato të minoritetit serb në Kosovë.
Këtë e ka mirëpritur deputeti shqiptar në Kuvendin e Serbisë, i cili u shpreh optimist se kjo çështje do të futet në agjendën e kësaj marrëveshjeje.
Ai u shpreh se nuk mund të ketë normalizim të marrëdhënieve, përderisa Serbia nuk e respekton parimin e reciprocitetit të pakicave.
Edhe njohësi i zhvillimeve politike, Albinot Maloku, potencon se çështja e shqiptarëve në Luginë duhet të përfshihet në këtë marrëveshje.
Se fundmi përfaqësues shqiptare atje, nënshkruan edhe një deklaratë te përbashkët ku kërkuan reciprocitet karshi te drejtave te serbeve ne Kosove dhe përkrahjen e BE-se e ShBA-se për këtë kërkesë.
Kronika e realizuar nga gazetari Lindrit Zejnullahu
