Karriera e Dele Allit ka shkuar me rënie të lirë. Ai tashmë nuk ka vend as në formacionin e Besiktas, pasi është dëbuar edhe nga aty.
Anglezi fillonte si një adoleshent tek Tottenham, me shumë njerëz që e shihnin atë si e ardhmja e kësaj kombëtare dhe trajneri i Spurs atë botë, Pochettino pretendonte se mesfushori mund të bëhej një nga më të mirët.
Megjithatë, për të nuk i kurseu kritikat portugezi Jose Mourinho, i cili thoshte se Dele nuk e përdor asnjëherë të gjithë potencialin e tij.
Ai humbet pozitën e tij në formacionin e Tottenham, për t’u transferuar tek Everton, mirëpo edhe në Goodison Park aventura e tij përfundoi shpejt. Pas një stinori të luajtur aty, Alli huazohet në Turqi, tek skuadra e Besiktas, për të tentuar rikthimin e karrierës së tij.
Ai tashmë është larguar nga skuadra dhe siç raportohet në mediat angleze, pjesën e mbetur të sezonit do ta shoh nga tribunat në stadium.
