Haxhiu në emisionin “De Jure” në Tëvë1, tha se nëse qeveria nuk e bën një ligj të tillë, atëherë është detyrim i deputetëve që të marrin iniciativë për hartimin e tij.
“Në këtë legjislaturë nuk ka planifikim për këtë ligj dhe nëse qeveria nuk e bën, atëherë është detyrim i joni si deputetë që me 6 nënshkrime ta procedojmë pastaj këtë ligj në Kuvend, sepse është domosdoshmëri. Kemi kuadro, mund të përgatiten edhe aparaturat e nevojshme mjekësore për transplantimin e veshkave këtu dhe të gjithë ata pacientë që sot janë në dializë që shpresojnë për një transplantim të veshkës të ju mundësohet ta bëjnë këtu, se ne shpenzojmë edhe miliona euro edhe në fazën e para-operacionit, fazën e operacionit të transplantimit dhe fazën pastaj pas operimit. Kjo kosto shkon kryesisht në dëm të buxhetit familjar të pacientëve që bëjnë transplantimin e veshkave, ndërsa nëse ligji do të ishte atëherë të gjitha këto shërbimet do të ofroheshin në institucione publike dhe këta pacientë nuk do të maltretoheshin për trajtim jashtë vendit”, tha ai.
Për më shumë, ndiqeni hulumtimin e emisionit “De Jure” me titull “Jeta në dializë”, i cili transmetohet në “Tëvë1” dhe “Betimi për Drejtësi.
