Njohësi i çështjeve politike, Shkelzen Maliqi, thotë se presidenti i Serbisë, Aleksandar Vuçiq e ka problem se a do të mbetet në pushtet.
Madje, Maliqi thotë se Vuçiq prej që është në pushtet e ka përmendur se do ta vrasin, njëjtë si ish-kryeministrit serb, Zoran Gjingjiq.
“Problemi te Vuçiq është se a po mbetet në pushtet a jo? Prej se ka ardhur në pushtet e ka përmendur se do të më vrasin, ashtu siç e kanë vrarë Gjingjiqin ashtu edhe mua kanë me më vra. Bile edhe kanë qenë disa afera dhe përgatitje të atentateve. Është njëri jo shumë stabil”, tha ai në emisionin “ResPublika” më Tëvë1.
Maliqi thotë se nëse Vuçiq e përmend në takime me ndërkombëtarët se nëse e njeh Kosovën do të rrezikohet jeta e tij, “kjo fore nuk i pinë më ujë”.
“Ata {serbët} tashmë i kanë këto kërcënimet serioze, ata ndoshta i thonë direkt, por nuk e thonë shumë publikisht por gjendet ndonjë deputetë që thotë se duhet me ia ndërpre financat”, tha Maliqi.
