Arsenali e la më pak se 24 orë Manchester United të shijonte vendin e katërt në Premier League. “Topçinjtë” u kthyen në zonë Champions (51 pikë) falë suksesit 2-0 në “Emirates” përballë Leicester City-t e tashmë presin me moral të lartë sfidën e radhës me Liverpoolin, po në Londër.
Gjashtë fitore në shtatë takimet e fundin në Premier, katër të fundit radhazi, Nikel Arteta duket se po kthen atë Arsenal që të pasionuarit e futbollit kanë parë nën drejtimin e Arsen Wengerit.
Sa i përket kronikës së ndeshjes, u shënuan nga një gol në çdo pjesë. Të parin e realizoi Partey në minutën e 10-të, i shërbyer nga Martinelli, ndërsa goli i sigurisë i shënuar me 11-metërsh në minutën e 59-të mban firmën e Lacazette.