Policia e Kosovës ka arrestuar dy shtetas të Serbisë në një pikë kontrolli të cilit kishin tentuar të kalonin nga Kosova në Serbi në mënyrë ilegale me një kamion në të cilin ishin 250 pako me vezë.
Sipas PK-së rasti ka ndodhur të dielën rreth orës 20:40.
“Gjatë legjitimimit të tyre është vërtetuar se të njëjtit kanë tentuar të bëjnë kalim ilegal të vendkalimit kufitar nga Republika e Kosovës në drejtim të Serbisë, ku me këtë rast po ashtu është realizuar një kontroll tek personat e lartcekur dhe në kamionin e tyre janë gjetur rreth 257 pako me rreth 90.000 kokrra vezë për të cilat të dyshuarit nuk posedonin dokumente përkatëse. Lidhur me rastin automjeti është dërguar në terminalin doganor në Mitrovicë Jug, ndërsa pas intervistimit, me urdhër të prokurorit, të dyshuarit janë liruar në procedurë të rregullt”, thuhet në komunikatën e PK-së.