Pasi siguroi kualifikimin në fazën çerekfinale të Ligës së Kampionëve, duke eliminuar PSG-në, Bayerni rikthehet në kampionat, për t’u dhënë vazhdimësi fitoreve, në kuadër të xhiros së 24 në Bundesligë.
Në “Allianz Arena”, mysafir ishte Augsburgu, që kaloi i pari në avantazh, që në minutën e dytë me anë të sulmuesit shqiptar Mërgim Berisha, i cili vendosi heshtjen në stadium.
Reagimi i bavarezëve ishte shumë i shpejtë, pasi në minutën e 15′ Joao Cancelo mori një pasim nga Sane dhe shënoi golin e barazimit. Pak më minuta më pas erdhi edhe përmbysja me anë të Pavard. Mbrojtësi francez shënoi edhe në 35′ për 3:1, kurse për pushim të rehatshëm u përkujes Sane për 4:1.
Sulmuesi nga Kosova, Mërgim Berisha ngushtoi të paktën epërsinë në 4:2, nga penalltia në minutën e 60′, derisa Davies (74′) i dha vulën fitores së bavarezëve. Bayerni tani ka 52 pikë në vendin e parë, kurse Augsburgu zë vendin e 13 me 27 pikë.
Ngritje në tabelë, ka pasur RB Leipzig pas fitores 3:0 ndaj Borussia Monchegladbach, dhe tani zë vendin e tretë me 45 pikë. Kurse të barabartë në 1:1 u mbyllën sfidat Entriacht Frankfurt – Stuttgart dhe Hertha Berlin – Mainz.