Ferizaj e ka fituar ndeshjen e skuadrave që po luftojnë për mbetje në elitën e futbollit kosovar.
Ferizajasit të shtunën në stadiumin “Riza Lushta” në Mitrovicë, mposhtën Trepçën ’89 me rezultatin 1:0. Për Ferizajn ishte fitorja e katërt në stinorin pranveror dhe e dyta rresht.
Skuadra e drejtuar nga Andrej Panadiq ka edhe dy barazime e një disfatë. Ndërkohë, mitrovicasit pësuan disfatën e katërt në vitin 2023 në Superligë. Kanë edhe dy fitore e një barazim.
Golin e fitores për ferizajasit e shënoi sulmuesi kroat, Mateo Panadiq, në minutën e 18-të të ndeshjes.
Me këtë fitore, Ferizaj tani ka 27 pikë, ndërsa Trepça ’89 mbetet me 26 pikë.
Në xhiron e ardhshme të Superligës, Trepça ’89 luan sërish në shtëpi kundër Dukagjinit, ndërsa Ferizaj e pret kampionin në fuqi, Ballkanin.
