Kanë përfunduar pesë ndeshje në kuadër të xhiros së 29-të në Premier League.
Kai Havertz është njeriu i momentit te skuadra e Chelsea. Ylli gjerman ka dëshmuar përsëri formën e tij të jashtëzakonshme së fundmi, duke shënuar golin e fitores për Chelsea, në ndeshjen ndaj Newcastle United. Chelsea fitoi 1:0, falë golit të minutës së 89’ të shënuar nga Kai Havertz.
Skuadra e Tuchel vuajti shumë gjatë 90 minutave, duke mos arritur të gjente hapësirat e saja, falë një pozicionimi shumë të mirë të skuadrës së Howe. Havertz, në rolin e sulmuesit (9 fals) te Chelsea i siguroi tri pikët skuadrës së tij, duke justifikuar edhe një herë besimin e Thomas Tuchel.
Chelsea numëron tashmë 59 pikë në pozitën e tretë, kurse Newcastle mbetet me 31 pikë në pozitën e 14-të. Këtu thyhet edhe ecuria pa humbje e skuadrës së Eddie Howe
Norwich City ka pësuar humbje në udhëtim ndaj Leeds United me rezultat 2:1. Rodrigo 14′ dhe Gelhard 94′ shënuan për fitoren e vendasve, derisa golin për mysafirët e realizoj McKlean 91′. Rashica ka luajtur në tërë ndeshjen por pa arritur të evitoj humbjen e skuadrës së tij.
Southamptoni ka marrë edhe humbjen e tretë me radhë në Ligën Premier. Kësaj radhe ekipi Brojës, u mposht nga Watfordi 2:1. Cucho në minutat 14′ dhe 34′ shënoj për mysafirët, ndërsa për shenjtorët realizoj Elyounoussi 43′. Broja në këtë ndeshje u zëvendësua në minutën e 94′ me Long.
Evertoni i Frank Lampard u mposht nga Wolves me rezultat 0:1. Golashënues për mysafirët ishte Coady 49′. Me këtë humbje Everton rrezikon largimin nga Premier League, pasi ndodhet në vendin e 17-të me 22 pikë aq sa ka edhe Watford në pozitën e 18-të.
West Ham ka fituar ndaj Aston Villës me rezultat 2:1. Golat për ekipin e West Ham i kanë shënuar Yarmolenko 70′ dhe Fornals 82′, kurse për Villa-në, Ramsey në minutën e 90′.
/Tëvë1/