Klubi i Basketbollit, Bashkimi, ka njoftuar se me marrëveshje të dyanshme ka ndarë rrugët me amerikanin Curtis Jones.
Jones ishte një nga koshashënuesit më të aftë tek skuadra Prizrenase.
Këtë klubi nga Prizreni, e ka bërë të ditur me anë të një postimi në rrjetet sociale, ku ndër tjerash e ka falënderuar amerikanin për kontributin e dhënë.
“Klubi bën të ditur se me marrëveshje të dyanshme ka shkëputur kontratën me amerikanin Curtis Jones, të cilin e falënderojmë për kontributin e dhënë dhe i dëshirojmë suksese në karrierë!”, thuhet në njoftim.
Tani numri i lojtarëve të huaj tek Bashkimi ka rënë në 3.
