Bashkimi i Sindikatave të Pavarura ka reaguar pas vendimit të Sindikatës së Re të KEK-ut për protestën e 16 marsit 2023.
BSPK-ja e ka përkrahur vendimin e kryesisë së kësaj Sindikatës së Re të KEK-ut për protestë.
“Bashkimi i Sindikatave të Pavarura të Kosovës përkrah fuqishëm vendimin e Kryesisë së SR KEK-ut për protestën e 16 marsit 2023, ku punëtorët e Korporatës Energjetike të Kosovës do të kërkojnë rritjen e pagave për të gjithë punëtorët e KEK-ut”, thuhet në njoftim.
Ndryshe, Sindikata e Re e KEK-ut dje ka marrë vendim që protesta për ngritje të pagave për gjithë punëtorë, të mbahet me datën 16 mars 2023.
Sipas njoftimit të kësaj sindikate, protesta do të fillojë nga ora 12:00, ku do të zgjasë deri një orë, para zyrave të KEK-ut në sheshin “Nënë Tereza”. /Teve1.info
https://teve1.info/lajmet/sindikata-e-re-e-kek-ut-merr-vendim-per-proteste-kerkojne-rritje-te-pagave/