32 prekje për një gol. Kf Trepça ditë më parë morri vëmendje të madhe, duke shënuar pas një aksioni model, të cilin jemi mësuar ta shohim vetëm në akademitë më të mëdha të futbollit në evropë.
Njëri nga futbollistët më të përfshirë në këtë gol wshtw Ardit Miftari, i cili tregon për ecurinë e sezonit të tij individual dhe se si është të luash në këtë skuadër.
Ndonëse është vetëm 18 vjeçar, ai ka bërë debutimin me skuadrën e parë, në fillim të këtij sezoni teksa tregon edhe për dallimet mes paraqitjeve në ekipin e parë dhe atë të juniorëve.
“Tani kam dy ndeshje me ekipen seniore. Dallimi është i madh, pasi të seniorët aplikohet lojë më e shpejtë, ndërsa të juniorët është më e ngadaltë”, tha Miftari për Tëvë1.
Ai shprehet i lumtur me momentin që po kalon, ndërsa kërkon të mbajë formën në vazhdimsi, pse jo edhe në ndonjë ambient tjetër.
“Shpresoj të vazhdoi me këtë formë momentale që kam, dhe pse jo në të ardhmen e afërt të jem në ndonjë klub evropian”, shtoi 18-vjeçari.
Arditi kishte filluar të luajë futboll në moshë të re. Adoleshenti angazhohet si sulmues i majtë, pasi wshtw ajo këmbw e preferuar për të, tëksa ai mundohet të mësojë nga loja e yllit të Manchester City, Riyad Mahrez.
“Prej moshës së vogël kam luajtur si mesfushor ofanzivë, ndërsa tash luaj si sulmues i krahut të majtë. E kam preferuar Arien Robben, ndërsa tani me pëlqen si luan Riyad Mahrez te Manchester City”, përfundoi
Skuadra e Trepçës bën gara në Grupin A të ligës së parë dhe aktualisht radhitën në pozitën e 9, pas 17 ndeshjeve ata kanë po aq pikë. /Tëvë1/
