Boston Celtics i është kthyer fitoreve në NBA, derisa mposhti 115:93 Portland Trail Blazers. Celtis tani mbajnë gjasat gjallë për të kthyer kreun në Lindje. Jason Tatum shkëlqeu me 30 pikë në fitoren e Bostonit, duke bërë 27 pikët e Damian Lillard vetëm sa për statistika.
Miami Heat zhgënjeu në shtëpi, duke u mposhtur nga Clevland Cavaliers 104:100. Për ekipin nga Kalifornia impresionoi Darius Garland me 25 pikë, duke qenë më i mirë në palestër. Te Miami punë të mirë bëri Jimmy Butler me 28 pikë, por që ishin të pamjaftushme për të shmangur humbjen në “Miami Dade Arena”.
Pos Miami Heat zhgënjeu edhe Dallas Mavericks, e cila ra në gjunjë nga New Orleans, në një ndeshje e dominuar tërësisht nga Orleans që n’fund triumfuan 113:106. McCollum me 32 pikë ishte më i miri te Orleans, ndërsa Kyrie Irving realizoi 27 pikë, por që nuk pati ndihmën e mjaftushme nga bashkëlojtarët e tij.
Los Angeles Clippers, falë 24 pikëve të Leonard e 23 të George mposhtën 108-100 Toronto Raports. Derisa të kandezët u dalluan Pascal Siakam dhe Scottie Barnes me nga 20 pikë.
Ngjit shkallët në renditje në Perëndim ekipi i Phoenix, që sot fitoi 132-101 ndaj Oklahoma. Devin Booker me 44 pikë bëri diferencën në fushë për Suns.
Humbet edhe Denver, ekipi që kryeson renditjen në Perëndim, që në fushën e tij u mund 117-96 nga Chicago (u dallua Zach LaVine me 29 pikë).