Policia e Kosovës ka njoftuar për disa raste të dhunës në familje që kanë ndodhur të mërkurën në Prishtinë.
Përmes raportit 24-orësh, Policia ka bërë të ditur se në Prishtinë, djali ka sulmuar fizikisht babanë e tij.
Sipas PK-së, viktima ka pranuar trajtim mjekësor, ndërsa i dyshuari është arrestuar.
“Prishtinë 08.03.2023 – 23:55. Viktima mashkull kosovar ka njoftuar se është sulmuar fizikisht nga djali i tij i dyshuari mashkull kosovar. Viktima është dërguar në trajtim mjekësor. I dyshuari është arrestuar dhe me vendim të prokurorit është dërguar në mbajtje”, thuhet në raport.
Po ashtu, një rast i dhunës në familje ka ndodhur edhe në Graqanicë, ku djali në gjendje të dehur ka ushtruar dhunë ndaj nënës së tij.
Nga Policia kanë thënë se viktima ka pranuar tretman mjekësor, ndërsa i dyshuari është dërguar në mbajtje.
“Graqanicë 08.03.2023 – 11:35. Është arrestuar i dyshuari mashkull kosovar pasi, që në gjendje të dehur ka ushtruar dhunë ndaj nënës së tij viktimës femër kosovare. Viktima ka pranuar tretman mjekësor. Me vendim të prokurorit i dyshuari është dërguar në mbajtje”.
Ndërkaq, nipi dyshohet se ka sulmuar fizikisht gjyshen e tij në Prishtinë.
Sipas njoftimit, viktima ka pranuar tretman mjekësor dhe i dyshuari është arrestuar.
“Prishtinë 08.03.2023-16:00.Viktima femër kosovare ka njoftuar se nipi i saj i dyshuari mashkull kosovar e ka sulmuar fizikisht. Viktima ka pranuar tretman mjekësor. I dyshuari është arrestuar dhe pas intervistimit me vendim të prokurorit dërgohet në mbajtje”, është bërë e ditur në raportin e Policisë. /Teve1.info/