Po bëhen prerjet dhe ngjitjet e fundit.
Edhe pastrimi i hapësirave ka arritur në fazën finale.
Drejtori i Bordit të “Prishtina Mall”, Fatmir Zymberi ka dhënë detaje për punën që është bërë në ndërtimin e qendrës më të madhe tregtare dhe moderne në Evropën Juglindore.
Për të jetësuar këtë projekt gjigand, u bashkuan disa investitorë.
E shtrirë në një sipërfaqe prej 240 mijë metra katrorë, aty mund t’i gjeni mbi 230 brende.
“Kjo qendër nuk është destinacion vetëm për blerje, por kemi krijuar hapësira për familje dhe shoqëri që të krijojnë kujtime të mira”, tha Alvaro Antonio Costa, drejtor Ekzekutiv i “Prishtina Mall”.
Në “Prishtina Mall”, ndodhet edhe qendra argëtuese dhe kinemaja më e madhe në rajon.
Nga e enjtja, “Prishtina Mall’, do të hapet për qytetarët, duke u bërë një destinacion i ri për blerje dhe argëtim.
Kronika e gazetares Florijeta Dernjani.