Në letër i kanë të drejtat e barabarta.
Por në praktikë, e drejta për të trashëguar tokë apo shtëpi në Kosovë shumicën e rasteve vazhdon ti takoi vetëm burrave.
Avokati, Anton Nrecaj thotë se vetëm një përqindje e ulët e grave në vend e kanë këtë të drejtë.
Hisja nuk po i ndahet grave për shkak të mentalitetit.
Kështu vlerësojnë në Rrjetin e Grave të Kosovës.
E procedurat gjyqësore, nuk janë as të thjeshta për ato gra të cilat ia kanë mësyer kësaj rruge.
Kjo pasi sipas Institutit Kosovar për Drejtësi, këto raste zvarriten në Gjykatat në Kosovë.
Sipas Ligjit për trashëgimi, trashëgimtarët ligjorë sipas nenit 11, janë: fëmijët e trashëgimlënësit, të adoptuarit e tij dhe pasardhësit e tyre, bashkëshorti, prindërit, vëllezërit e motrat.
Kronika e gazetares Doresa Geci.
