Real Madrid bën një tjetër hap të gabuar dhe i krijon mundësinë Barcelonës që të shkëputet me 9 pikë në vendin e parë. “Los Blancos” barazuan pa gola në ndeshjen ndaj Betisit në transfertë.
Sistemi VAR i anuluar një gol të francezi Benzema në minutat e para të ndeshjes mes Realit të Madridit dhe Real Betisit më “Benito Villamarín”.
Më konkretisht, në minutë e 12-të, sulmuesi veteran i “Los Blancos” ekzekutoi një goditje dënimi në një pozicion të preferuar, duke shënuar, por para se topi të përfundonte në rrjetë, u devijua nga Rudiger, që ishte vendosur para murit të skuadrës vendëse.
Benzema me shokë nisën festën, por ajo zgjati pak, pasi kryesori i njoftuar nga në kolegët e tij në dhomën e VAR-it shkoi t’i shihte vetë pamjet, që e bindën se devijimi i Rudigerit me krah ishte i parregullt, edhe pse dora po mbyllej ngjitur me trupin.
Një vendim që i la të pakënaqur futbollistët e Realit, të cilët pretenduan se dora nuk ishte e hapur. Betis u mbrojt mirë në pjesën e parë ndërsa në të dytën Benzema rrezikoi fillimisht në të 49-ën. Iu kundërpërgjigj Iglesias, por Courtois bëri një pritje të bukur.
Rodrigo dhe Vinicius Jr provuan në vijim, por pa rezultat. Në fund një barazim që lë një shije jo të mirë tek Reali, që e sheh veten akoma dhe më larg objektivit titull, ndërsa Betis konfirmon se po zhvillon një edicion mbi pritshmëritë, duke u renditur në vendin e pestë me 41 pikë.
