Shefi i Grupit Parlamentar të AAK-së, Besnik Tahiri ka thënë se nuk di çfarë të thotë, nëse pyetet se cili është suksesi i Qeverisë Kurti gjatë këtyre dy viteve.
Ai ka përmendur një urë në Istog, duke thënë se pos asaj nuk ka investim tjetër.
“Nëse më pyet dikush cili është suksesi i Qeverisë Kurti në 2 vjet, besoni nuk di çka them. Nuk e di një rrugë, përveç një ure në Istog, në fshatin e deputetit Bekë Berisha, nja 2-3 metra që është, nuk di asnjë investim kapital, asnjë fabrikë, asnjë punë”, deklaroi ai mas mbledhjes së kryesisë së Kuvendit.
Sipas deputetit Tahiri, kryeministri Albin Kurti e ka lënë qytetarin e Kosovës jetim.
“Dëshirojmë që përmes Kuvendit ta ballafaqojmë Qeverinë Kurti, sepse po ikë kah dialogu, po diskuton për marrëveshjen, dhe e ka lënë jetim qytetarin e Kosovës në ballafaqimin me çmimet e larta, ngritjen e shportës, ngritjen e shpenzimeve, tatimeve në pronë. Kemi propozuar rezolutë 10-pikëshe që besoj se do të merret parasysh që të fokusohet kjo qeveri”, tha ai. /Teve1.info/
