Barcelona ka bërë hap të madh drejt kualifikimit në finale të Kupës së Mbretit. Barça fitoi 1:0 në klasiken e parë Real Madridin, në duelin e zhvilluar në “Bernabeu”.
Sfida është vendosur në minutën e 26-të. Franck Kessie gjuajti nga zona, ndërsa Thibaut Courtois ndali topin. Por topi shkoi në këmbët e Eder Militao dhe përfundoi në rrjetë. Pra klasikja e futbollit spanjoll u vendos me autogol.
Reali më pas ka dominuar në fushë, por pa rrezikuar fitoren e Barcelonës. Kishte posedim të topit prej 64 për qind. Madrilenët krijuan 13 raste për gol, por nuk e kishin asnjë goditje në kornizë të portës.
Ndërkohë Barcelona kishte katër raste gjithsej dhe dy goditje në kornizë të portës. Ndeshja e kthimit zhvillohet më 5 prill në Camp Nou.
