Dy serbë në Mitrovicën e Veriut kanë mbetur të plagosur, dhe njëri prej tyre ndodhet nën tretman mjekësor.
Kështu ka njoftuar për Teve1.info, zëvendësdrejtor i Policisë për rajonin e Mitrovicës së veriut.
Ai tha se po dyshohet se lëndimet janë shkaktuar nga mjeti i mprehtë thikë.
“Kanë marrë lëndime trupore. Natyrën e lëndimeve ende nuk e din mjekët kujdestar. Si duket njëri ka marrë lëndime të rënda trupore. Lëndimet janë shkaktuar po dyshohet nga një mjeti i mprehtë thikë. Hetuesit policor kanë nisur të gjitha hetimet lidhur me rastin. Po punohet në këtë drejtim”, ka thënë Hoti.
Ndërkaq, lidhur me rastin ka njoftuar edhe ministri i Brendshëm, Xhelal Sveçla i cili tha se policia ka dyshime për dorasin e këtij akti, për të cilin thotë se gjithashtu është i nacionalitetit serb dhe pjesëtarë i strukturave paralele kriminale të Serbisë.
“Sapo jam njoftuar nga Policia e Kosovës se në Mitrovicën e Veriut ka ndodhur një incident me ç’rast dy qytetar të nacionalitetit serb kanë mbetur të plagosur dhe njëri nga ta ndodhet nën tretman mjekësor. Njësitet relevante policore tashmë kanë dyshime të bazuara mbi dorasin e këtij akti i cili është po ashtu i nacionalitetit serb, pjestarë i strukturave paralele kriminale të Serbisë. Njësitet policore do të ndërmarrin të gjitha masat e nevojshme në bazë të kompetencave që kanë në mënyrë që dorasi apo dorasit e këtij sulmi të sillen sa më parë para drejtësisë”, ka shkruar Sveçla në një postim në Facebook. /Teve1.info/