Kjo ishte gjendja e klasave ne shkollën “Hoxhë Kadri Prishtina” gjatë ditës së enjte.
Mbeturinat të shumta kishin mbuluar hapësirat e saj.
E përveç mbeturinave edhe tualetet kundërmonin nga papastërtia.
Kjo pasi punëtorët teknik kanë ndërprerë punën për shkak se nuk kanë marrë pagat e muajit shkurt.
Meqë Kontrata e lidhur mes kompanisë private “Beni” dhe Komunës së Prishtinës ka skaduar në muajin janar.
E për ta vazhduar punën, ata kërkojnë që Komuna e Prishtinës të bëjë pagesat.
E kjo situatë ka bërë që nxënësit të kenë vështirë të mbajnë orët mësimore.
Por jo vetëm në këtë shkollë.
Punën e kanë pezulluar 40 punëtorë të së njëjtës kompani në pesë shkollat e Prishtinës.
Por sipas kryetarit të sindikatës së sektorit privat, Isuf Azemit, këtyre mund të ju bëhet një zgjidhje.
Ndërsa nga Komuna e Prishtinës kanë bërë të ditur se këta punëtor nuk mund të paguhen për shkak se ka skaduar kontrata dhe punëtorët janë të kompanisë private.
Komuna e Prishtinës ka shpallë tenderin e ri për pastrimin e objekteve shkollore muajin e kaluar dhe tashmë është në procedurë të prokurimit. Meqë ka skaduar kontrata, Komuna nuk ka asnjë mundësi ligjore të bëjë kompensimin e atyre punëtoreve të kompanive private që kanë qenë të angazhuar nga operatori ekonomik, sepse ata janë punëtorë të kompanive private.
Megjithatë, në Kompaninë “Beni” thonë se presin zgjidhje nga Komuna e Prishtinës.
Komuna e Prishtinës ka shpallur tender në vlerë prej 284 mijë euro për pastrimin e shkollave të mesme dhe institucioneve parashkollore. Tenderi është i hapur deri më datën 13 mars.
Kronika e gazetares Doresa Geci.
