Kryeministri i Maqedonisë Veriore, Dimitar Kovacevski ka thënë se ky shtet në cilësinë e kryesuesit të OSBE-së, është i gatshëm të ndihmoj në procesin e dialogut ndërmjet Kosovës dhe Serbisë.
Ai në një takim që ka zhvilluar me kryeministrin e Kosovës, Albin Kuri në margjinat e samitit të Forumit Ekonomik në Shkup.
Kryeministri maqedonas, ka thënë se kanë mirëpritur propozimin e BE-së.
“Mirëprita propozimin e BE-së për normalizimin e marrëdhënieve ndërmjet Kosovës dhe Serbisë, duke shpresuar se çështjet e hapura do të zgjidhen përmes dialogut. Republika e Maqedonisë së Veriut është e gatshme që në cilësinë e kryesuesit të OSBE-së të ndihmojë këtë proces, i cili besoj se do të jetë një erë në velat tona në rrugën drejt familjes evropiane”, ka shkruar ai në Facebook, raporton teve1.info.
Maqedonia Veriore pritet të jetë nikoqire e takimit të ardhshëm ndërmjet Kurtit e Vuçiqit më ndërmjetësimin e BE-së i paraparë të zhvillohet më 18 mars.
Ndërsa, duke folur për raportet ndërmjet dy vendeve, kryeministri maqedonas ka thënë se ato përmirësohen vazhdimisht me ide e projekte të përbashkëta.
“Sot biseduam me kryeministrin e Kosovës Albin Kurti për sfidat me të cilat përballen dy shtetet tona, si dhe për potencialin në rajon dhe më gjerë. Maqedonia e Veriut dhe Kosova për të katërmbëdhjetën vit ndërtojnë marrëdhënie dypalëshe, të cilat vazhdimisht po përmirësohen me ide, projekte dhe iniciativa të reja. Kështu ndërtojmë paqen, sigurinë dhe përparimin jo vetëm për shtetet tona, por gjithashtu ndikojnë në stabilitetin në rajon”, ka thënë ai.
Qeveria e Kosovës dhe ajo e Malit të Zi kanë mbajtur mbledhje të përbashkët të dy qeverive ku janë arritur disa marrëveshje./teve1.info/
