Kryetari i Kuvendit, Glauk Konjufca, i ka shprehur ngushëllime familjarëve të të vdekurve në aksidentin e trenave në Greqi, raporton teve1.info
Përmes një statusi në Facebook, Konjufca u ka uruar shërim të shpejtë edhe të lënduarve nga ky aksident.
“Lajme pikëlluese dhe me përmasa tragjike arrijnë këtë mëngjes nga Greqia. Sipas njoftimeve të para, të paktën 36 persona kanë humbur jetën dhe dhjetëra të tjerë janë lënduar si pasojë e një përplasjeje trenash.
Në emër të Kuvendit të Republikës së Kosovës dhe në emrin tim personal iu shpreh ngushëllimet më të thella familjeve të viktimave të këtij aksidentit fatal, popullit dhe shtetit grek.
Gjithashtu lutemi për shërimin sa më të shpejtë të të lënduarve”, ka shkruar Konjufca.
