Themeluesja e Fondit për të Drejtën Humanitare, Natasha Kandiq ka njoftuar se po ndërpret çdo bashkëpunim me organizatën që ajo e themeloi.
“Kam kohë që nuk i ndaj të njëjtat vlera me Fondin për të Drejtën Humanitare. Fund. Vazhdoj me Fondin për të Drejtën Humanitare Kosovë”, ka shkruar Kandiq në rrjetin social “Twitter”.
Kandiq ka themeluar organizatën joqeveritare Fondi për të Drejtën Humanitare në vitin 1992 me qëllim të dokumentimit të shkeljeve të të drejtave të njeriut që u kryen masivisht në të gjithë ish-Jugosllavinë, gjatë luftërave në Kroaci, Bosnjë dhe Hercegovinë dhe më vonë në Kosovë.
