Kryeministri i Kosovës, Albin Kurti ka thënë se nuk e ka nënshkruar propozimin evropian për normalizim të marrëdhënieve me Serbinë, sepse pala serbe nuk ishte e gatshme ta bënte një gjë të tillë.
Pas takimit ai tha se presidenti i Serbisë, Aleksandar Vuçiq e pranoi marrëveshjen, por nuk pranoi ta nënshkruante.
“Unë besoj që është koha të mos jap interpretime dominuese pikërisht në momentin kur ky tekst mund të lexohet nga të gjithë, por kjo marrëveshje vendos barazinë e palëve, është e fqinjësisë së mirë. Unë nuk e kam nënshkruar sepse pala tjetër nuk ishte e gatshme për ta nënshkruar. Kam shprehur gatishmërinë që të nënshkruaj këtë tekst. Mendoj që është dëm pse nuk është nënshkruar sonte meqenëse ne u pajtuam. Konfirmimi i pranimit natyrisht se duhet të rezultonte me nënshkrim por ishte pala serbe që nuk e nënshkroi meqenëse u pajtua”, tha Kurti.